خوشكی بەڕێزم : داواكارم ئەگەر بتوانی بە گوێ‌ دڵا گوێبیستی ووتەكانم بیت ، و هەست و بیری خۆتم بدەیتێ‌ ، لە چەند خولەكێكی ژیانت ، بۆ ئەوەی چەند ئامۆژگاریەكت بە گوێدا بدەم ، كە هەموویان ئامۆژگاری دڵسۆزن بۆ كەسێكی خۆشەویستی خۆی ، لە لایەن كەسێكی پەرۆش لە سەر دوا ڕۆژ و ژیانت ، لە ڕۆژگارێكدا كە ئامۆژگاریكاران تێدا كەم و بەدەگمەنن ، ئامۆژگاریەكانیشم بە شێوەی پرسیار دەبن ، بۆ ئەوەی هەموو پرسیارێكی زەنگێكی بیداركاری بێت ، و چیتر لە خەوی غەفڵەت بێدارت بكاتەوە ، و بە ئاگا بیت ، و قۆڵی خواناسانەی بۆ هەڵماڵیت و پەشیمان ببیتەوە لەوەی كە ڕۆژێك لە ڕۆژان كەمتەرخەمیەكت نوواندبێت لە باڵا پۆشیتدا ، كە نیشانی بڕواداری حیشمەت و جوانی تۆیە لە دونیای كۆتای هاتوو ، هۆكاری ڕزگار بوونی هەتا هەتاییتە لە ئاگری دۆزەخ ، ئەو دۆزەخەی كە خوای پەروەردگار لە وەسفیدا فەرموویەتی : [ فَاتَّقُواْ النَّارَ الَّتِی ۆقُودُهَا النَّاسُ ۆالْحِجَارَەُ ] ( سورە البقرە : 24 ) ، واتە : لەو ئاگرە بترسن كە سووتەمەنیەكەی خەڵك و بەردە ، خوای پەروەردگار پەنای من و تۆش بدات لەوەی كە خۆمان بە دەستی خۆمان بۆ دونیا و خۆشیەكی كاتی بكەین بە سووتەمەنی ئەو ئاگرە ، بۆیە داواكارم ئەگەر تا ئەم ڕۆش كەمتەرخەمیەكت لە باڵاپۆشەكەتدا كردبێت ، دووای بیستنی ئەم ووتانە بڕیاری یەك لای خۆت بدەیت و باڵاپۆشیەكەت بە باشترین شێوە و بەو مەرجانەی كە پێویستە لە باڵا پۆشەكەتدا هەبێت ئەنجام بدەیت ، و سەردەمی سستی و تەمبەڵی بەلاوە بنەیت ، بزانی كە مانەوەت لە دونیادا كاتی و كەمە ، بەڵكو هەر زۆر كەمە ، و سەردەمی لاوێتی دەڕوات و نامێنێت ، و جوانیەكەشت بەهەمان شێوە لە ناو دەچێت و نامێنێت ، و گەشی و درەوشاوەیی لە ناو دەچێت ، ئەوەش : بە مردنێكی نزیك و خێرا ، یان بە پیریەك كە لە ڕێگەی هەمووانە و دێت ، و بە هیچ شێوەیەك دەرچوون نیە لە دەستی ، خوای پەروەردگار فەرموویەتی: [ وَاتَّقُواْ يَوْمًا تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ ] ( سورة البقرة : 281 )
، واتە : خۆتان بپارێزن لەو ڕۆژەی كە دەگەڕێنەوە تیایدا بۆ لای خوای پەورەدگار ، پاشان هەموو كەسێك پاداشت دەدرێتەوە لەو كردارانەی كە ئەنجامی داون ، و دڵنیاش بن كە كەس لەو ڕۆژەدا ستەمی لێ‌ ناكرێت .
ئەمەش ئامۆژگاریەكانن :
وە ئایا دەزانی باڵانەپۆشینت سەرپێچی كردن و شكاندنی فەرمان و ووتەی پەروەردگارتە كە فرمانی پێكردوویت : [ ێا أَیُّهَا النَّبِیُّ قُل لِّأَزْۆاجِكَ ۆبَنَاتِكَ ۆنِسَا‌و الْمُۆْمِنِینَ یُدْنِینَ عَڵیْهِنَّ مِن جَڵابِیبِهِنَّ ... ] ( سورةاڵاحزاب : 59 ) ، واتە : ئەی پێغەمبەری خوا (صلى الله عليه وسلم) بە خێزان و كچەكانت و ئافرەتی بڕواداران بڵێ‌ با باڵا پۆشەكانیان بدەن بە خۆیاندا .
وە هەروەكو فەرموویەتی : [ ۆڵا تَبَرَّجْنَ تَبَرُّجَ الْجَاهِلِیَّەِ الْأُوڵی ] ( سورە اڵاحزاب : 33 ) ، واتە : لەكاتی دەرچونتاندا خۆتان ڕووت نەكەنەوە ، هەروەك چۆن ئافرەتان لە سەردەمی نەفامیدا خۆیان ڕووت دەكردەوە وە ئایا دەزانیت ئەو كارەت هۆكاری ئازاردنی خۆتە ، هەروەكو خوای گەورە فەرموویەتی : [ يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا ] ( سورة الأحزاب : 59 ) ، واتە : ئەی پێغەمبەری خوا d بە خێزان و كچەكانت و ئافرەتی بڕواداران بڵێ‌ با باڵا پۆشەكانیان بدەن بە خۆیاندا ، ئەوەش نزیك ترە بۆ ئەوەی كە بە ڕەوشت بەرز و بە حەیا و حیشمت بناسرێنەوە ، و ئەزیەت و ئازار نەدرێن ، پەروەردگاری تۆش لێبووردە و میهرەبانە .
وە ئایا دەزانیت بەو كارەت چاوی گورگە برسیەكان ، و كەسانی دڵا نەخۆش تێر دەكەیت ، و دەبیتەی هۆی ئەوەی سەدەان لەو گورگانە تەماحت تێ‌ بكەن ؟! هەروەكو خوای گەورە فەرموویەتی: : [ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ ] ( سورة الأحزاب : 32 ) ، واتە : پێویستە لە سەرتان لە هەموو ڕێگەیەكی حەرام و قەدەغەكرا و خۆتان بپارێزن ، لەوانەش قسە نەكردنە بە نازەوە لە گەڵا پیاوانی نامەحرەمدا ، بۆ ئەوەی كەسانی دەروون نەخۆش تەماحتان تێنەكەن ، ووتەشتان با ووتەیەكی ئاسایی بێت ، ئەمە ئەگەر ووتەكانت ئەوەندە كاریگەر بن ، ئەی ئەبێت باڵا نەپۆشینت چۆن بێت ؟!! جا ئامان نەكەی خوشكەكەم خۆت بكەیتە جێ‌ی تەماحی گورگە برسیەكانی ئەم ڕۆژگارە .
B وە ئایا دەزانیت كە باڵا نەپۆشینت پێچەوانە بوونەوەی ووتەی پێغەمبەرەی خوایە d ، و ڕازیكردن و شوێنكەوتەی ووتەی شەیتانەكانی جنۆكە و مرۆڤە ؟! پێغەمبەری خوا (صلى الله عليه وسلم) فەرموویەتی : " يا أسماء إن المرأة إذا بلغت المحيض لم يصلح أن يرى منها شيء إلا هذا وهذا - وأشار إلى وجهه وكفيه "(حسنه الألباني في صحيح الجامع ، برقم : (7874).) .
واتە : ئەی ئەسما ئەگەر ئافرەتی موسڵمان گەشتە تەمەنی باڵغ بوون نابێت جگە لە دەستەكان و ڕوومەتی زیاتر دەركەوێت .
وە خوای پەروەردگار بۆمان دەگێڕێتەوە كە شەیتان لە گەڵا باوكە ئادەم و دایكە حەوادا چی كردووە ، كە فەرموویەتی :[ ... فَبَدَتْ لَهُمَا سَوْآتُهُمَا ... ] ( سورة طـه : 121 ) ، واتە : بە هۆی ئەو تاوانەی كە پێ‌ی كردن ، عەورەتیان دەركەوت .
B وە ئایا دەزانیت بەو كارەت خۆت بە ئەهلی دۆزەخ دادەنەیت ، و خۆت دەخەیتە ڕێزی دۆزەخیانەوە ، خوای پەروەردگار پارێزەرت بێت لە ئاگری دۆزەخ ، پێغەمبەری خوا d فەرموویەتی : " صِنْفَانِ مِنْ أَهْلِ النَّارِ لَمْ أَرَهُمَا ... وَنِسَاءٌ كَاسِيَاتٌ عَارِيَاتٌ مُمِيلاَتٌ مَائِلاَتٌ رُءُوسُهُنَّ كَأَسْنِمَةِ الْبُخْتِ الْمَائِلَةِ ... ".
واتە : دوو كۆمەڵا هەن لە ئەهلی دۆزەخ نەمبینیوون ... كۆمەڵێكیان ئافرەتێلێكن داپۆشراون بەناو لە ڕاستیدا ڕووتن ، بەلەنجەولار دەڕۆنە ڕێوە ، و سەرنجی پیاوان بۆ خۆیان ڕادەكێشن ، و پرچیان بە شێوەیەك بە سەر سەریانەوە دەبەستن وەكو بان پشتی ووشتر وایە ... وە زانایان فەرمویانە:: (( أراد d النساء اللواتي يلبسن من الثياب الشيء الخفيف ، الذي يصف ولا يستر ، فهنَّ كاسيات بالإسم ، عاريات في الحقيقة )) (رواه مسلم .).
واتە : مەبەستی پێغەمبەری خوا d ئەو ئافرەتانەیە كە جل و بەرگی ناسك دەكەنە بەر ئەو جۆرە پۆشاكانە لە ڕاستیدا لەشیان دەردەخات ، نەك ئەوەی كە دایان بپۆشێت ، ئەو جۆرە ئافرەتانە بە ناو داپۆشراون ، كەچی لە ڕاستیدا ڕووتن .
B وە ئایا دەزانیت بە ئەو كارەت وا لە خۆت دەكەی كە بەر نەفرەتی موسڵمانان بكەویت ـ خوای پەروەردگار پەنات دات ـ نەفرەتیش ، واتە : دووری و دەرچوونت لە ڕەحمەتی خوای بە بەزەیی ، هەروەكو پێغەمبەری خوا فەرموویەتی : " ... ، نساؤهم كاسيات عاريات على رؤوسهن كأسنمة البخت العجاف العنوهن فإنهن ملعونات ... " (صححه العلامة الألباني في السلسلة الصحيحة ، برقم : 2683 ، وفي صحيح الترغيب والترهيب ، برقم : 2044 ).).
واتە : ئافرەتەكانیان داپۆشراون بەناو لە ڕاستیدا ڕووتن ، بەسەر سەریانەوە وەكو پشتی ووشتر هەیە ـ واتە : پرچیان بە شێوەیەك بە سەر سەریانەوە دەبەستن ـ نەفرەتیان لێ‌ بكەن ئەوانە نەفرەت لێكراوون .
وە ئایا دەزانیت بەباڵا نەپۆشینت خۆتی پێ‌ بێ‌ بەش دەكەی لە بەهەشتی بەرینی خوای پەروەردگار ، هەروەكو پێغەمبەری خوا (صلى الله عليه وسلم) ئاماژەی بەوە داوە و فەرموویەتی ::" صِنْفَانِ مِنْ أَهْلِ النَّارِ لَمْ أَرَهُمَا ... وَنِسَاءٌ كَاسِيَاتٌ عَارِيَاتٌ مُمِيلاَتٌ مَائِلاَتٌ رُءُوسُهُنَّ كَأَسْنِمَةِ الْبُخْتِ الْمَائِلَةِ لاَ يَدْخُلْنَ الْجَنَّةَ وَلاَ يَجِدْنَ رِيحَهَا وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا "(رواه مسلم .). . واتە : دوو كۆمەڵا هەن لە ئەهلی دۆزەخ نەمبینیوون ... كۆمەڵێكیان ئافرەتێلێكن داپۆشراون بەناو لە ڕاستیدا ڕووتن ، بەلەنجەولار دەڕۆنە ڕێوە ، و سەرنجی پیاوان بۆ خۆیان ڕادەكێشن ، و پرچیان بە شێوەیەك بە سەر سەریانەوە دەبەستن وەكو بان پشتی ووشتر وایە ، ئەوانە ناڕۆنە بەهەشتەوە ئەگەر چی بۆنی بەهەشت لە دووری ئەوەندە و ئەوەندەشەوە دەبیسترێت .
B وە ئایا دەزانیت بەو كردارەت تاوانی ئەو كەسانەش دەخەیتە ئەستۆە خۆت كە تۆ لە خشتەیان دەبیت ، و دەیانخەیتە تاوانەوە ، خوای پەروەردگار فەرمویەتی :[ لِيَحْمِلُواْ أَوْزَارَهُمْ كَامِلَةً يَوْمَ الْقِيَامَةِ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ أَلاَ سَاء مَا يَزِرُونَ ] ( سورة النحل : 25 ) .
واتە : لە ڕۆژی دواییدا تاوانباران تاوانی خۆیان بە تەواوی هەڵدەگرن ، لە گەڵا تاوانی ئەوانەی كە گومڕایان دەكەن بە بێ‌ زانین ، بەڕاستی ئەوە تاوانباریەكی زرۆ خراپە .
B وە ئایا دەزانیت بەو كارەت خۆت دەخەیتە ڕیزی دوو ڕووانەوە ـ خوای پەروەردگار پەنادەرت بێت لەو كارە ـ هەروەكو لە فەرموودەدا هاتووە كە پێغەمبەری خوا (صلى الله عليه وسلم) فەرموویەتی : " وشر نسائكم المتبرجات المتخيلات ، وهن المنافقات ، لا يدخل الجنة منهن إلا مثل الغراب الأعصم " (صححه العلامة الألباني في : الصحيحة ، برقم :( 1849 ).) ، واتە : خرابترینی ئافرەتەكانتان ئەو ئافرەتانەن كە جوانیەكانی خۆیان دەردەخەن ، و خۆ دەڕٍازێننەوە ، و لە خۆ ڕازین و فیز و تەكەبور دەكەن بە سەر ئافرەتانی تردا ، بەڕاستی ئەوانە خۆ دەشوبهێنن بە دوو ڕووان ، هیچ یەكێك لەوانە ناڕواتە بەهەشتەوە ، ئیللا وەكو قەڵە بازەڵە نەبێت ( كە جۆرێكە لە قەڵە ڕەش باڵەكانی یان پێكانی سپین ) ، هێنانەوەی ئەم شێوەیە لە قەڵە ڕەش بە نموونە بە هۆی كەمیانەوەیە ، بۆ ئاماژە كردنە بە كەمی ئەو ئافرەتانەی كە دەڕۆنە بەهەشتەوە ، ئەگەر باڵا پۆش نەبن .
لە كۆتایدا پێت دەڵێم ئەگەر تاكو ئەم ڕۆ نەتزانیبێت ، ئەوا ئەم ڕۆ ئەو تاوانەت لا ئاشكرا بوو ، بەڵام نائومیدیش مەبە لە ڕەحمەتی خوای میهرەمان ئەگەر تۆبەیەكی ڕاستەقینەت كرد و گەڕایتەوە بۆ لای ئەو ، هەروەكو فەرموویەتی : [ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ] ( سورة الزمر : 53 ) ، واتە : بڵێ‌ بەو بەندانەی كە زیادڕەویان كردووە لە تاوان كردندا ، بێ‌ ئومێد و مەئیووس نەبن لە ڕەحم و بەزەیی خوای پەروەردگار ، چونكە خوای پەروەردگار لە هەموو تاوانێك خۆش دەبێت ، هەر ئەویشە لێبوردە ، و بە بەزەیییە بەرامبەر بە بەندەكانی .
جا خوشكی بەڕێزم : بیرێك لەم ووتانە بكەرەوە ، وبڕیار بدە كە ئایا دوای بیستنی ئەم ووتانە هێشتا هەر بەردەوام دەبیت لە سەر باڵا نەپۆشینت ، وهێشتا دڵت ڕانەچەڵەكیوە ؟! یان چی ؟!

وَآخِرُ دَعْوَاهُمْ أَنِ الْحَمْدُ لِلّهِ رَبِّ الْعَالَمِينَ