نوێترین کتێب
ئاماری ماڵپه‌ر
میوانی هه‌فته:
كۆی گشتی سەردان له به‌رواری ٢٠١٢/٢/١:
ئێمه له فه‌یسبووك
ژمارەی بینین:
زامی گەدە و دوانزە گرێ (قرحة) (گه‌ده، دوازده گرێ، سورێنچک)
نوسەر:کۆلێژی پزیشکی کەرکوک
بریتییه له برینی کراوه له ناوپۆشی ناوه‌وه‌ی گه‌ده، دوازده گرێ یا سورێنچک. باوترین نیشانه‌ی زامی پیپسینی بریتییه له ژان. چه‌ند ساڵێک له‌مه‌وبه‌ر، وا بڕوا بوو که زامی پیپسینی له ئه‌نجامی کێشه و خه‌می ژیانه‌وه دروست ده‌بێت، به‌ڵام پزیشکان ئێستا ده‌زانن که هۆیه‌که‌ی بریتییه له تووشبوون به جۆره به‌کتریایه‌ک یا هه‌ندێک ده‌رمان به‌ڵام نه‌ک فشاری ده‌روونی یا خۆراک به ته‌نها. زامی پیپسینی جگه له گه‌ده و دوازده له سورێنچکیش رووده‌دات ئه‌ویش له ئه‌نجامی گه‌ڕانه‌وه‌ی ترشی گه‌ده بۆ سورێنچک. زامی پیپسینی زۆر باوه، هه‌روه‌ها زۆربه‌ی جار چاره‌سه‌ری زامی پیپسینی چه‌ند هه‌فته‌یه‌کی که‌م ده‌خایه‌نێت. 1..نیشانه‌کان ژانێکی جۆری سووتانه‌وه باوترین نیشانه‌ی زامی پیپسینییه، ژانه‌که دروست ده‌بێت له ئه‌نجامی برینه کراوه‌کان، هه‌روه‌ها زیاد ده‌بێت کاتێک ترشی گه‌ده ده‌که‌وێته سه‌ر برینه‌کان. ژانه‌که زۆربه‌ی جار چه‌ند خوله‌کێک بۆ چه‌ند کاتژمێرێک ده‌خایه‌نێت، له‌و په‌ڕی به‌هێزیدایه کاتێک گه‌ده به‌تاڵه، به شه‌و زیاتره. زۆربه‌ی جار به خواردن یا به ده‌رمانی دژی ترشی، ژانه‌که که‌م ده‌بێته‌وه و نامێنێت به شێوه‌یه‌کی کاتی. هه‌روه‌ها زامی پیپسینی له‌وانه‌ی ببێته هۆی رشانه‌وه‌ی خوێن، یا هه‌بوونی خوێنی ره‌نگ تۆخ له‌ناو پیسایی، هێڵنج و رشانه‌وه، دابه‌زینی کێش، ژانه سینگ. .2.هۆیه‌کانی زامی پیپسینی به گوێره‌ی شوێنی زامه‌که، 3 جۆر له زامی پیپسینی هه‌یه؛ گه‌ده، دوازده‌گرێ، سورێنچک. - هه‌رچه‌نده له‌مه‌وپێش وا بڕوا بوو که فشاری ده‌رونی و خۆراکی بیبه‌راوی هۆیه سه‌ره‌کییه‌کانی دروست بوونی زامی پیپسینی بن، به‌ڵام ئێستا پزیشکان ده‌زانن که هۆکاری سه‌ره‌کی زامی پیپسینی بریتییه له جۆره به‌کتریایه‌ک. ئه‌م به‌کتریایه باوترین هۆی دروست بوونی زامی پیپسینییه، به‌ڵام تاکه هۆکاری درووست بوون نییه. - به‌کارهێنانی ده‌رمانی دژه‌ئازار به شێوه‌یه‌کی رێک و پێک و درێژ، یه‌کێکی تره له هۆکاره‌کانی دروست بوونی زامی پیپسینی. - جگه‌ره کێشان؛ چڕی قه‌باره‌ی ترشی گه‌ده زیاد ده‌کات، مه‌ترسی روودانی زام زیاد ده‌کات، هه‌روه‌ها جگه‌ره‌کێشان چاک بوونه‌وه‌ی زامه‌کان هێواش ده‌کاته‌وه له کاتی وه‌گرتنی چاره‌سه‌ری. - خواردنه‌وه‌ی مه‌ی به‌شێوه‌یه‌کی زۆر ده‌بێته هۆی بریندار بوونی ناوپۆشی گه‌ده هه‌روه‌ها بڕی ترشی گه‌ده زیاد ده‌کات، که هۆکاری مه‌ترسیداره بۆ دروست بوونی زامی پیپسینی. - فشاری ده‌روونی، هه‌رچه‌نده فشاری ده‌روونی به ته‌نها هۆکار نییه بۆ دروست بوونی زامی پیپسینی، به‌ڵام هۆکاری به‌ژدارکه‌ره له دروست بوون. 3,که‌ی راوێژی پزیشک بکرێت؟ زامی پیپسینی شتێک نییه خۆت چاره‌سه‌ری خۆت بکه‌یت به بێ یارمه‌تی پزیشک. ئه‌گه‌ر تۆ نیشانه‌کانی زامی پیپسینیت هه‌یه پێویسته سه‌ردانی پزیشک بکه‌یت، له‌گه‌ڵ یارمه‌تی پزیشک چاره‌سه‌ری ته‌واو به‌ده‌ست ده‌هێنیت. ئاڵۆزییه‌کانی زامی پیپسینی ئه‌گه‌ر زامی پیپیسنی چاره نه‌کرێت، ده‌بێته هۆی خوێن به‌ربوونی ناوه‌کی، دروست بوونی کون له گه‌ده یا دوازده‌گرێ که رووبه‌ڕووی مه‌ترسی زۆر خراپتر ده‌که‌نه‌وه. هه‌روه‌ها زامی پیپسینی له‌وانه‌یه ببێته هۆی گیرانی رێڕه‌و‌ی هه‌رس. تەندروستیەکی باشتان بۆ ئەخوازم
بەروار:٢٠١٤/٠٩/٢٤