چەندەها ئایەتی ڕون و ئاشكرای قورئانی پیرۆز هاتوون ، هانی ڕۆژوو گرتن دەدەن وەكو هۆكارێك بۆ نزیك بوونەوە لە خوای باڵادەست و بەتوانا ، لەگەڵ ئاماژەكردن بۆ چاكەكانی ئەم پەرستنە ، وەكو : [ إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا] [الأحزاب : 35].
واتە : خوای پەروەردگار ... ، وە بۆ ڕۆژووانی پیاوان و ئافرەتان ... لێخۆشبوون و پاداشتێكی گەورەی بۆ ئامادە كردون .
یان فەرموویەتی : [ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ ] [البقرة : 184] ، واتە : بێگومان ڕۆژوو گرتن چاكترە بۆتان ئەگەر بەو كارە بزانن .
هەروەها پێغەمبەر (صلى الله عليه وسلم)لە فەرموودەكانیدا ئەوەی بۆ ڕون كردووینەتەوە كە : ڕۆژوو قەڵایە بەرامبەر ئارەزووەكانی ، وە پارێزەریشە لە ئاگری دۆزەخ ، و خوای گەورەش دەرگایەكی لە دەرگاكانی بەهەشتی تایبەت كردووە بە ڕۆژوانانەوە ، و ڕۆژوو گرتن نەفس دەگرێتەوە لە تاوان و ئەوانەی ئارەزووی دەكات ، تا ئەبێتە دەروونێكی ئارام و خۆگر ، هەروەها ئەو پاداشتە زۆر چاكانەی كە سەبارەت بە ڕۆژووانان هاتووە ، لە فەرموودە( صحیح ) ە كاندا بە ئاشكراترین شێوە ئاماژەی بۆ كراوە . 1ـ ڕۆژوو پارێزەرە :
پێغەمبەری خوا (صلى الله عليه وسلم) فەرمان دەكات بەو كەسانەی كە ئارەزووی ژن هێنانیان لا بەهێزە و توانای ژن هێنانیان نیە ، فەرمانیان پێ دەكات بە ڕۆژوو گرتن و كردوویەتی بە سەر كوت كەری ئەو ئارەزووانە ، چونكە توانای ئەندامەكان كۆت دەكات لە ناردنیان و ئەندامەكان ئارام دەكات و هەموو هێزێك جڵەو دەكات لەسەر كەشی . ئەوەش سەلمێنراوە كە ڕۆژوو كاریگەریەكی سەر سووڕ هێنەری هەیە بۆ پاراستنی ئەندامەكانی لەش و هێزە دەرونیەكان .
لەبەر هەموو ئەمانە پێغەمبەر (صلى الله عليه وسلم) فەرموویەتی : " يا مشعرَ الشبابِ مَن استطاعَ منكم الباءَةَ (5) فَلْيَتَزَوَّجْ ، فإنَّهُ أغضُّ لِلْبَصرِ ، وأحْصَنُ للفرجِ ومَنْ لم يَسْتَطِعْ ، فَعَلَيْهِ بالصَّومِ ، فإنَّه لّهُ وِجَاء " (أخرجه البخاري : ( 4 / 106 ) رقم : ( 1905 ) ومسلم رقم : ( 1400 ) عن ابن مسعود .).
واتە : ئەی كۆمەڵی لاوان هەر یەكێك لە ئێوە توانای ژن هێنانی هەبوو با ژن بهێنێت ، چونكە زیاتر چاو دەپارێزێت لە بینینی ناڕەوا ، و پارێزەریشە لە كەوتنە داوێن پیسیەوە ، ئەوەش توانای ژن هێنانی نەبوو ، با پەنا بەرێتە بەر ڕۆژوو گرتن ، چونكە سەركوت كەرەوەی ئارەزووەكانە . ئەی موسڵمانی بەڕێز :
پێغەمبەری خوا (صلى الله عليه وسلم) ئەوەشی ئاشكرا كردوە كە : " حَفَّتِ الجنَّەُ بِالمَكاڕهِ ، ۆحَفَّتِ النَّارُ بِالشَّهَوات " .
واتە : بەهەشت پەرژین كراوە بەو كردەوانی كە ئارەزووت لێ‌ ی نیە ، كەچی دۆزەخ پەرژین كراوە بە ئارەزووەكان ، جا ئەگەر بۆت ئاشكرا بوو كە ڕۆژوو ئارەزووەكان سەركوت دەكات و توندیەكانی دەشكێنێ‌ ، هەر ئارەزووەكانیشە نزیكت دەكاتەوە لە ئاگری دۆزەخ ، ڕۆژووش ڕێگرە لەوەی كە ڕۆژوان بڕواتە ئاگری دۆزەخ ، بۆیە لە فەرموودەكان بە ڕاشكاوی دەبینین ئاماژە بەوە دەكرێت كە ڕۆژوو قەڵا و پارێزەرە لە ئاگری دۆزەخ موسوڵمان خۆی پێ ئەپارێزێت لەو ئاگرە .
پێغەمبەر (صلى الله عليه وسلم) دەفەرمووێت :" مَا مِنْ عَبْدٍ يَصُومُ يَوْمَاً في سَبيلِ اللهِ إلا بَاعَدَ اللهُ بِذَلِكَ وَجْهَهُ عَن النَّارِ سَبْعينَ خَريفاً " (أخرجه البخاري : (6 / 35) رقم : (2840) ومسلم رقم : (1153) عن أبي سعيد الخدري ، واللفظ لمسلم ، وقوله : "سبعين خريفاً" : ، أي : مسيرة سبعين عاما . قاله الحافظ في (الفتح) : ( 6 / 48 ) .).
واتە : هەر بەندەیەك لە بەندەكانی خوا ڕۆژێك بە ڕۆژوو بێت لە پێناوی خوای پەروەردگار ، ئیللا بە هۆیەوە خوای پەروەردگار ڕوومەتی لە ئاگری دۆزەخ ( 70 ) حەفتا پایز ( واتە : ساڵا ) دوور دەخاتەوە . یان دەفەرمووێت : " الصِّيامُ جُنَّةٌ يَسْتَجِنُ بِهَا العَبْدُ مِنَ النَّارِ " (أخرجه أحمد : (3/296) عن جابر ، وأحمد: (4/22) عن عثمان بن أبي العاص ، وهو حديث صحيح.)
واتە : ڕۆژوو پارێزەرە بەندەی موسوڵمان خۆی پێ دەپارێزێت لە ئاگری دۆزەخ .
وە دەفەرمووێت : " مَنْ صَامَ يَوْمَاً في سَبيلِ اللهِ ، جَعَلَ اللهُ بَيْنَهُ وَبَيْنَ النَّارِ خَنْدَقَاً كَمَا بَيْنَ السَّماءِ وَالأرضِ " (أخرجه الترمذي : ( 1624 ) من حديث أبي أمامة ، وفي سنده لين ، الواليد بن جميل : صدوق يخطيء لكنه توبع ، فأخرجه الطبراني في ( الكبير ) : ( 8 / 260 ، 274 ، 280 ) من طريقين عن القاسم عن أبي أمامة ، وفي الباب عن أبي الدرداء : أخرجه الطبرانيي في ( الصغير ) : ( 1 / 273 ) وفيه ضعف . والحديث صحيح .).
واتە : هەر كەسێك ڕۆژێك بە ڕۆژوو بێت لە پێناوی خوادا ، خوای پەروەردگار بەو كارەی دۆڵێك لە نێوان ئەو و ئاگردا درووست دەكات ، دووری نێوانیان وەكو دووری نێوان ئاسمان و زەوی دەبێت .
هەندێ‌ لە زانایان بۆچونیان وایە ئەم فەرموودانە كە باس كران دەربارەی چاكەی ڕۆژوو ، تایبەتن بە كاتی جیهاد و تێكۆشان لە پێناوی خوادا ، بەڵام ئەوەی ئاشكرایە ڕۆژوو ئەگەر تەنها لە پێناوی خوادا بێت و بەپێی ئەو ڕونكردنەوانە بێت كە پێغەمبەری خوا (صلى الله عليه وسلم) فەرموویەتی ئەوا لە پێناوی خوادایە با لەو كاتەشدا نەبێت .